 |
| Hai Ap Ky Honton Pe Jo Mushkan Wagera (Anwar Maqsood) |
ہے آپ کے ہونٹو ں پہ جو مسکان و غیرہ
قربان گئے اس پہ دل و جان وغیرہ
بلی جو یونہی مفت میں ندنام ہوئی ہے
تھیلے میں تو کچھ اور تھا سامان وغیرہ
اب ہوش نہیں کوئی کہ بادام کہاں ہیں
اب اپنی ہتھیلی پہ ہیں دندان وغیرہ
کس ناز سے وہ نظم کو کہہ دیتے ہیں نثری
جب اس کے خطا ہوتے ہیں اوزان وغیرہ
جمہوریت اک طرز حکومت ہے کہ جس میں
گھوڑوں کی طرح بکتے ہیں انسان و غیرہ
ہر شرٹ کی بو شرٹ بنا ڈالی ہے انور
یوں چاک کیا ہے ہم نے گریبان وغیرہ
No comments:
Post a Comment