Jo Log Samundar Main Bhi Reh Kr Rahy Payase

 

 

 

جو  لوگ  سمندر  میں  بھی  رہ  کر  رہے  پیاسے

اک  ابر  کا  ٹکرا  انہیں  کیا  دے  گا دلا  سے

مانا  کہ  ضروری  ہے  نگہبانی  خودی  کی

بڑھ  جائے  نہ  انسان  مگر  اپنی  قبا  سے

برسو ں  کی  مسافت  میں  وہ  طے  ہو  نہیں  سکتے

 
جو  فاصلے  ہوتے  ہیں  نگاہوں  میں  ذرا  سے

تو  خون  کا  طالب  تھا  تری  پیاس  بجھی  ہے

میں  پاتا   رہا  نشوونما  آب  و  ہوا  سے

مجھ  کو  تو  مرے  اپنے  ہی  دل  سے  ہے  شکایت

دنیا  سے  گلہ  کوئی  نہ  شکوہ  ہے  خدا  سے

ڈر  ہے  کہ  مجھے  آپ  بھی  کمراہ  کریں  گے

 
آتے  ہیں  نظر  آپ بھی  کچھ  راہنما  سے

دم  بھر  میں  وہ  زمیں  بوس  ہو  جاتی  ہے  واصف

تعمیر  نکل  جاتی  ہے  جو  اپنی  بنا  سے